Alfonso Guilló da (Elgoibar, 1953) Alguillo eta Alkimistak proiektuaren liderra.

Bere estiloak rhythm & bluesaren eta erritmo latinoen eragin nabariak ditu. 

Alfonso Guilló 16 urte zituela Expresión Sonora taldean egon zen (1969-1971).

1971n, rock abestiak euskaraz kantatzen hasi zen, norbere kantak egiten eta Koska taldearen sortzailetakoa da 1973an. Bi disko grabatu zituen Koska talde progresiboarekin, 1976 eta 1979an. 1989an Trenbide sortu zuen, Aterri (2008-2020), A2an, Alfon eta Gabi.

2013an Ruper Ordorikak grabatu zuen Koskaren abesti bat: Garraztasuna; eta 2016an Elkar diskoetxeak berrargitaratu zituen Koskaren bi diskoak CD bakarrean.

2018an Leok’k taldean sartu eta 3 CDren grabaketan parte hartu zuen. Talde horretan jarraitu arren, Alkimistak da bere proiekturik pertsonalena eta horren sorkuntzan ibili da aspaldi honetan.

Burua makurtu gabe lana 2024ko udazkenean argitaratu zen, eta jendaurrera zuzenean 2025ean aurkeztu du. 2024ko diskorik onenen artean sartu zuen zenbait musika kazetarik.